X-Force 8.60 Essential
Super
19/10/2021 17:47
I ein hektisk kvardag, med stor familie og stort hus, er det viktig å ha ein støvsuger som er lett tilgjengeleg. Med både sentralstøvsuger i hovedetasjen og anna støvsuger i kjellaren, ser eg at det er litt for tungvint å hente fram sentralstøvsugaren dersom det er litt smular her og der på kjøkkenet, så det er lettare å ta fram feiekosten, eller at det får vente til neste dag.
Vi er glade for å få teste ut OHB sin X-Force Flex 8.60. Den var veldig enkel å montere, og klar til bruk på 1-2-3
For å ta det positive først:
- Eg opplever sugekraften som veldig bra, og då ekstra bra med ein boost-funksjon.
- Støvsugeren er lett, og grei å bruke. Munnstykket kan roterast, og det er lett å manøvrere rundt plantar, stolar, bord, og det som elles er plassert på gulvet i eit normalt ryddig hus.
- Det er veldig fint med det integrerte LED-lyset i front, slik at vi fort kan sjå om vi finn det vi har mista.
- Det eg ser som det mest positive med X-Force er Flex-teknologien og det ekstra leddet. For første gong kan vi støvsuge under skap og sofa utan at vi må legge oss ned på kne.
- Fantastisk med ein Stop-and-Go-funksjon som gjer at rør og munnstykke står stødig oppreist når ein må ta av handstøvsugar for å støvsuge andre flater.
Førsteintrykket er veldig bra, og det er ein støvsugar som kjem til å bli mykje brukt.
Eg har enno ikkje funne den heilt perfekte støvsugaren, og det vil nok alltid vere noko som ein vil endre litt på – alt etter tid og stad.
-Eg er av dei som likar at støvsugaren heng på veggen, og ladar seg der. Med denne støvsugaren må ein ta ut batteriet og lade med eigen lader. Det er gjerne ein vanesak, men for meg blir det litt for tungvindt.
- Vi må også ta handstøvsugaren frå rør/munnstykke når den ikkje er i bruk. Det tek då meir plass, og eg har problem med å finne ein lagringsplass til støvsugaren der eg vil ha den – nemleg lett tilgjengeleg
Alt i alt, er dette ein støvsugar som eg vil anbefale.
elsaro
Fitjar , Norsko
Alder: 58
Kjønn: Kvinne